Çand û huner

Tûrîzma Wanê wê bi saya "Wana Kevnare" geş bibe

Li başûrê Keleha Wanê ya jê ra dibêjin "Wana Kevnare" bi projeyake nû wê avahiyên ji sedsala 19an mane bên restorekirin û bibin mekanên ku tûrîst bikaribin lê bimînin û berhemên herêmî lê bên firotin.

Nihat Kavşut  | 19.10.2017 - Rojanekırın : 24.10.2017
Tûrîzma Wanê wê bi saya "Wana Kevnare" geş bibe

Van

VAN

Li başûrê Keleha Wanê ya jê ra dibêjin "Wana Kevnare" bi projeyake nû wê avahiyên ji sedsala 19an mane bên restorekirin û bibin mekanên ku tûrîst bikaribin lê bimînin û berhemên herêmî lê bên firotin.

Îdareya Pêşketina Herêmê ya Projeya Rojhilatê Anadoluyê û Ajansa Pêşketinê ya Rojhilatê Anadoluyê ji bo li "Wana Kevnare" tûrîzm pêş bikeve bi hev ra proje û xebat dan destpêkirin.

Bi "Projeya Muzebajêr ya Wana Kevnare" ya şêwirmendiya wê Doç. Dr. Erkan Konyarê Midûrê Navenda Lêkolînên Arkeolojîk û Dîroka Herêma Wanê ya Fakulteya Edebiyatê ya Zanîngeha Stenbolê dike wê dikanên miskê, avahiya edliyeyê, xan û qereqolên ji sedsala 19an mane derkevin holê û bên restorekirin.

Halîl Îbrahîm Gurayê Sekreterê Giştî yê Ajansa Pêşketinê ya Rojhilatê Anadoluyê daxuyanî da nûçegihanê AAyê û destnîşan kir dixwazin him tûrîzm û him jî aboriya bajêr pêş bikeve.

Volkan Gulerê Alîkarê Serokê Îdareya Pêşketina Herêmê ya Projeya Rojhilatê Anadoluyê destnîşan kir Wan ji hêla berhemên dîrokî va dewlemend e û got em dixwazin Keleha Wanê û bajêr bigihînin hev.

Doç. Dr. Erkan Konyar diyar kir wê bi saya projeyê avahiyên ji sedsala 19an mane bên restorekirin û bibin mekanên ku tûrîst bikaribin lê bimînin û berhemên herêmî lê bên firotin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın