Ankara
ANKARA
Serokê Herêma Kurdistanê Mesûd Barzanî û Serokomarê Azerbeycanê Îlyam Aliyev li Davosê civiyan û rewşa hiştî guftûgo kirin.
Li gor malpera resmî ya Serokatiya Herêma Kurdistanê, Barzanî û Aliyev li Davosa Swîsreyê ku ji bo beşdariya 47emîn Forûma Aboriya Cîhanê beşdarî lê kirin kombûn.
Di civîna Barzanî û Aliyev de dostaniya tarîxî ya xelkê Kurdistan û Azerbeycanê hate behskirin, herdu aliyan jî diyar kir ku divê têkiliyên dualî xurttir û berfirehtir bibin.
- Aliyev, Barzanî dawetî Azerbeycanê kir
Herwiha herdu lîderan jî bal kişand ser wê yekê ku divê fêde ji dostaniya xelkê Kurdistan û Azerbeycanê were girtin û bi taybetî di warê aboriyê de bingeheke saxlem were avêtin.
Hat ragihandin ku Serokomarê Azerbeycanê Aliyev, Serokê Herêma Kurdistanê Barzanî dawetî welatê xwe kir û jê xwest ku seredanekê bike. Seredana heyetên dualî jî di vê çarçoveyê de hate xeberdan.
Ji aliyekî din de şerê li dijî terorîstên DEAŞê, rewşa Iraqê û Rojhilata Navîn bi giştî hate nirxandin.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.