"Ji bo li herêmê em alîkariyê bidin 30 hezar kesî xebat hatin destpêkirin"
Serokê Giştî yê Hîva Sor a Tirkiyeyê Kinik got ku wan ji bo kesên ku di erdhejê de zirar dîtin xebatên alîkariyê dan destpêkirin
Baghdad
BEXDA
Serokê Giştî yê Hîva Sor a Tirkiyeyê Kerem Kinik got ku wan ji bo kesên ku di erdhejê de zirar dîtin xebatên alîkarî dan destpêkirin. Di çarçoveya xebatan de wê xwarinê bidin 5 hezar kesî.
Kinik hat Bexdaya paytextê Iraqê bi Serokê Hîva Sor a Iraqê Yasîn El Mamûrî re li ser mijarên wekî alîkariya însanî û piştevaniya wê bidin herêma erdhejê axivîn.
Kinik ji nûçegihanê AAyê re daxuyand ku ew piştî erdheja li Iraqê qewimî hatin herêmê û wiha dewam kir: "Me bi Hîva Sor a Iraqê re hevkarî kir û berî eşkerekirina reqemên fermî yên xisarê em gihîştin herêmê. Herwiha ji bo li herêmê em alîkariyê bidin 30 hezar kesî xebat hatin destpêkirin."
Kinik wiha dewam kir:
"Me 5 hezar çadirên ku nêzî 30 hezar însan dikarin tê de bimînin, 14 hezar betaniye, 10 hezar doşek, 3 hezar sobeyên ceyranê, metbexeke mobîl anîn herêmê. Ekîbên AFAD û Wezareta Tenduristiyê jî li herêmê tevlî xebatên lêgerîn û xilaskirinê bûn."
Kinik got: "Ji bo rojane em xwarinê bidin 5 hezar kesî me amadehiyên xwe kirin."