"Di civîna DTKyê da min got ku biryara 'xweseriya demokratîk' xelet e"
Parlementer Tan: "Dema di civîna DTKyê da biryara 'xweseriya demokratîk' hat wergirtin, ez rabûm û min got ku ev yek şaş e."
Diyarbakir
DIYARBAKIR
Di çarçoveya lêpirsîna terorê da doza ku ji ber 5 sûcên cuda û bi daxwaziya 38,5 sal cezayê hebsê der heqê Parlementerê Diyarbekirê yê HDPyê Altan Tan da hatibû vekirin, dest pê kir.
Parlementer Tan û parêzerê wî jî beşdarî danişîna li Dadgeha Cezayê Giran a Diyarbekirê ya 5emîn bûn.
Tan di parastina xwe da tawanbarî qebûl nekirin û îdia kir ku endametiya wî ya tu rêxistinê tuneye.
Tan îdia kir ku Kongreya Civaka Demokratîk (DTK) ku qaşo dadrêsa rêxistina terorê PKKyê ye, hê jî fealiyetên xwe dimeşîne û der barê neqanûnîbûna wê da jî tu biryarek tuneye û wiha dewam kir:
"Civînên DTKyê hê jî didomin. Serokê wê û ciyê wê mewcûd e. Di 2013an da min daxwazname pêşkêş kir û ji ber ku li gorî min rast nebû, min ji hemû pozîsyonan îstifa kir. Dema di civîna DTKyê da biryara 'xweseriya demokratîk' hat wergirtin, ez rabûm û min got ku ev yek şaş e. Min got cudabûna ji Tirkiyeyê xeletî ye. Şert û mercên cudabûnê tunene, min got."
Dadgehê ji bo wergirtina beyanên 6 polêsên şahid, danişîn taloq kir.
- Cezayê ku tê xwestin
Di îdianameyê da der barê Parlementerê Diyarbekirê yê HDPyê Altan Tan da ji ber sûcên "avakirina û birêvabirina rêxistina terorê", di bûyerên 6-8ê Cotmehê da "gel tehrîkî sûc kir", "dijayetiya qanûna 2911an", "propagandaya rêxistina terorê" û "muqawemeta dijî peywirdarên fermî" ji 17,5 salan heya 38,5 salî cezayê hebsê tê xwestin.