Eyda Remezanê tê pîrozkirin
Di roja ewil ya Eyda Remezanê da welatiyan berê xwe dan mizgeftan û eyda hev bimbarek kirin.
Malatya
ANKARA/ÎSTANBUL
Li Bayrampaşa, Sariyer, Bahçelîevler û Esenlera navçeyên Stenbolê li hin mizgeftan diyarî dan zarokên hatibûn nimêja eydê.
Endamên Weqfa Ilim Çand Sihet Perwerdehî Hawirdor û Alîkariya Civakî li hewşa Mizgefta Kocatepeyê merasima "vexwendina ji bo nimêjê û perûyê bidin hev" organîze kir û di vê çarçoveyê da diyarî dan zarokan.
Li Mizgefta Fatîhê jî piştî nimêjê taştê hat dayîn, li mizgeftên Silêmaniye, Yawiz Selîm û Simbil Efendî jî şorbe hat dayîn.
- Enqere
Ji bo nimêja eydê gelek welatî hatin Mizgefta Kocatepeyê û waliyê Enqereyê Ercan Topbaş tevlî welatiyan nimêj kir, hin kesan zarokên xwe jî anîn mizgeftê.
- Edîrne
Li Edîrneyê jî Mizgefta Selîmiyeyê heta hewşê tijî bû, piştî nimêj û xutbeyê welatiyan eyda hev bimbarek kir.
- Li Rihayê "tirit" îkarîmî 5 hezar kesî kirin
Welatiyan Mizgefta Dergehê ya li herêma Gola Xelîlûrehmanê tijî kirin. Di mizgeftê da cih nema û milet li hewşê nimêj kir. Bi minasebeta eydê piştî xutbe û nimêjê malbatekê li ber mala xwe ya li Taxa Hamzaliyê "tirit" wek îkram da welatiyan.
- Meletî
Li Darendeya Meletiyê jî welatiyan berê xwe dan kuliyeya Şêx Hemîdê Welî yê bi navê "Somuncu baba" tê zanîn û mizgefta 5 hezar kesî dihewîne tijî bû.
- Hatay
Mizgefta Hebîbê Neccar a mizgefta ewil a li Anadoluyê tê zanîn jî bi ronîbûna dinyayê tijî bû û piştî ku milet bi cih nebû li hewşa mizgeftê xalîçe hatin raxistin û nimêj hat kirin.