Li Rojhilatê Anadoluyê zivistan
Li herêmê rêya 500 tax û gundan ji ber berfê hat girtin
Erzincan
ERZURUM
Li Herêma Rojhilatê Anadoluyê ji ber berf û rewşa hewayê ya nebaş rêya 500 gund û taxan hat girtin.
Li Erziromê ji ber berfê ya ku du roj in dibare rêya 4 taxan hat girtin.
Tîmên Şaredariya Mezin ji bo ku rê bên vekirin dixebitin û xoy li rêyan direşînin.
- Erzingan
Li Erzinganê navenda bajêr 5, li navçeyên Çayirliyê 5, li Îlîçê 5, li Kemahê 5, li Kemaliyeyê 14, li Otlukbeliyê 1, li Refahiyeyê 55, li Tercanê 6 û li Uzumluyê 4 bi tevahî rêya 100 gundan hat girtin.
19 tîm bo vekirina rê dixebitin.
- Qers
Li Qersê bi şev berf barî, rêya 13 gundan hat girtin.
Tîmên Şaredariya Mezin a Qersê yên ku berfê paqij dikin hewl didin ku rê bên vekirin.
Li Qaxizmanê rêya 5 gundan, li Arpaçayê rêya 3 gundan, li Sariqamîşê jî rêya 5 gundan hat girtin.
Li Navenda Xweşiqitandinê ya Cibiltepeyê qalindahiya berfê 80 santîmêtro hat pîvan.
- Erdexan
Li Erdexanê serê sibê pê va berf dibare.
Li ser rêya Erdexan û Artvînê li herêma Saharayê, li ser rêya Erdexan û Posofê jî li taxa çiyayê Ilgarê qeşa çêbû.
Rêya 3 gundan jî hat girtin.
- Tuncelî
Li giştiyê Tunceliyê ji ber berfê rêya 242 gundan hat girtin.
Qalindiya berfê li navenda bajêr 10 santêm, li hin navçeyan jî 40 santêm e.
Tîmên Îdareya Taybet hewl didin ku rê bên vekirin.
Tîmên şaredariyê jî berfê paqij dikin û xoy li rêyan direşînin.
- Agirî
Li Agiriyê duh êvarê pê va berf dibare.
Li taxa Îpek Geçîdî ya ku li ser rêbejeya Agirî-Bazîdê ye di hatin û çûyînê de zehmetî çêbû.
Ji bo ku wesayîtên di rê da mane nebin sedema rêgirtinê wezîfedar dixebitin.
Tîm berfê paqij dikin û xwe li rêyan direşînin.
Li giştiyê bajêr rêya 138 gundan hat girtin.