Li Îdirê ji bo werzişvanên siruştê Çiyayê Tekeltiyê wê bibe navenda cazîbeyê
Çiyayê Tekeltiyê li Tuzlucaya navçeya Îdirê, gundê Akolukê ye û ji bo werzişên siruştî çiyayekî pir kêrhatî ye, gundiyên li serê çiyê dê mal û tesîseke sosyal çêkin da ku ew der ji bo werzişvanên siruştê bibe navenda cazîbeyê.
Iğdır
IGDIR
Çiyayê Tekeltiyê li Tuzlucaya navçeya Îdirê, gundê Akolukê ye û ji bo werzişên siruştî çiyayekî pir kêrhatî ye. Bilindahiya çiyê 2 hezar û 552 mêtre ye û gundiyên li serê çiyê dê mal û tesîseke sosyal çêkin da ku ew der ji bo werzişvanên siruştê bibe navenda cazîbeyê.
Şêniyên gundê Akolukê ji bo ku Çiyayê Tekeltiyê bibe navenda cazîbeyê û ji gundê wan ra bibe deriyê dahatê, dest bi teşebusan kirin.
Şêniyên gund ji bo danasîna herêmê kampanya li dar xistin û biryar dan ku bi dahata kampanyayê li pêşiya çiyê tesîseke sosyal ava bikin. Di nav tesîsê da malên çiyê û mêvanan, qada kampê, mizgeft, park û aletên sporê wê werin çêkirin.
Gundiyan qadeke ku ji hezar û 200 mêtrekareyî pêk tê hîbe kir û çêkirina tesîsê dest pê kir. Bi çêkirina tesîsê va li herêmê kesên ku bi çiyagerî, duçerxeya çiyê, paraşûta berpal, meşa siruştê, kampdanî, wênekêşî û hilpasbûna zinaran ra eleqedar dibin, wê li vê tesîsê werin ezimandin.
Çêkirina mala çiyê jî dest pê kir û wê navê çiyagerê îdirî Îskender Igdir lê bikin. Çiyager Igdir di sala 2000î da hilkişiya ser Çiyayê Agiriyê, lê ket û mir.
Midûrê Çand û Tûrîzmê yê Îdirê Osman Engîndenîz daxuyanî da nûçegihanê AAyê û got ku tesîs wê ji bo tûrîzma herêmê feydeya xwe çêbe.
Engîndenîz bal kişand ku Çiyayê Tekeltiyê û der û dora wî ji bo werzivanên siruştê hema bêje xwediyê hemû şert û mercan e.
Ji gundiyan Huseyîn Atam jî diyar kir, bi teşebusên ku wan kir va herêm wê ji bo tûrîzmê xurt bibe, pêşî li ber koça gundiyan bigire û herêm dê pêşkeve.
Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.