Istanbul
ÎSTANBUL
Tîma Fitbolê ya Ampute ya Neteweyî ya Tirkiyeyê di pêşbirka Şampiyonaya Ewropayê ya Federasyona Fitbolê ya Ampute (EAFF) de 2-1 Îngiltere têk bir û bû şampiyon.
Tîma ku Federasyona Fitbol ya Tirkiyeyê (TFF) di çarçoveya projeya "Tirkiye fitbolê dilîze" de piştgirî didê, Turkcell bûye sponsorê wê yê sereke û ya di bin banê Federasyona Werzîşê ya Astengdaran a Tirkiyeyê de di fînala şampiyonayê de bi Îngiltereyê re li Vodafone Parkê hat hemberî hev.
Tirkiye di nîva ewil a pêşbirkê de di deqîqeya 25emîn de bi gola Omer Guleryuz 1-0 pêş ket. Di deqîqeya 50yemîn de Westbrook gol avêt û skor bû yek yek. Di deqîqeyên dirêjkirinê de Tirkiye di deqîqeya 50+1ê de bi gola Osman Çakmak pêş ket û 2-1 Îngiltere têk bir.
Wezîrê Werzîş û Ciwaniyê Osman Aşkin Bak, Midûrê Giştî yê Werzîşê Mehmet Baykan, Serokê Fedrasyona Werzîşê ya Astengdarên Bedenê yê Tirkiyeyê Arîf Umît Uzturk, Serokê Kûluba Beşîktaşê Fîkret orman û Serokê Kûluba Galatasarayê Dursun Ozbek jî pêşbirk temaşe kirin.