Dinya, Tenduristî

Ji ber hewaya qirêj mirov zû dimrin

Gelek kesên li bajarên Ewropayê dijîn mehkûmê hewaya qirêj in û ji ber vê jî her sal nêzî 400 hezar kes zû dimirin.

Abdullah Tel  | 12.10.2017 - Rojanekırın : 13.10.2017
Ji ber hewaya qirêj mirov zû dimrin

Brussels Hoofdstedelijk Gewest

BRUKSEL

Hat ragihandin ku gelek kesên li bajarên Ewropayê dijîn mehkûmê hewaya qirêj in û ji ber vê jî her sal nêzî 400 hezar kes zû dimirin.

Ajansa Hawirdorê ya Ewropayê (EEA) rapora "Li Ewropayê Qelîteya Hewayê-2017" weşand. Di raporê da hat gotin qirêjbûna hewayê herî zêde ji ber trafîk, çandinî, santralên vejenê, bikaranînên rojane yên li mal û endustriyê pêk tê.

Di raporê de fikr û ramanên Dîrektorê Giştî yê EEAyê Hans Bruyninckx jî cih girt û wî got: "Em wek civak dibê maliyeta ku ji ber hewaya qirêj ji me ra derdikeve qebûl nekin. Heke em gihandineke paqij û ji bo çandinî û vejenê projeyên bi biryar û aqilane bikin rewacê emê bikaribin li hemberî hewaya qirêj têkoşînê bidin û qelîteya jiyana xwe zêde bikin. Mirovên li bajaran dijîn jî hewaya paqij heq dikin."

- Dibe sedema mirina zû 400 hezar kesî

Di raporê da hat gotin ku ji ber şert û mercên hewaya qirêj li seranserê Yekîtiya Ewropayê (YE) nêzî 400 hezar kes zû dimirin û li seranserê Ewropayê ev reqam bi qasî 500 hezarî ye.

Di raporê hat destnîşankirin ku bi saya polîtîkayên ji bo çêtirkirina qelîteya hewayê û pêşketina teknolojiyê yên li Ewropayê rêjeya qirêjbûna hewayê dadikeve lê hewaya qirêj hê jî ji bo kesên li Ewrpayê dijîn talûke ye.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın