Tirkiye

Li Kalecîkê qezaya trafîkê: 8 mirî

Otobêsa ji Kastamonuyê derket rê û ber bi Enqereyê va diçû li navçeya Kalecîkê qelibî û di qezayê da 8 kes mirin û 34 kes jî birîndar bûn.

Nihat Kavşut  | 27.05.2017 - Rojanekırın : 30.05.2017
Li Kalecîkê qezaya trafîkê: 8 mirî

Ankara

ANKARA

 Otobêsa ji Kastamonuyê derket rê û ber bi Enqereyê va diçû li navçeya Kalecîkê qelibî û di qezayê da 8 kes mirin û 34 kes jî birîndar bûn.

Li gor agahiyên hatin hildan otobêsa rêwiyan a bi plaqeya 06 FR 0311 ya Sedat Gurer diajot di saet 00.30yî da ji Kastamonuyê derketibû rê serê sibehê di saet dora 06.00an da li cihê ku rêya Çankiri-Çandirê ji hev diqete û di nav sînorê navçeya Kalecîkê da dimîne ji kontrolê derket û di şerampolê da gêr bû.

Di qezayê da 8 kes mirin 11 jê xedar 34 kes jî birîndar bûn. Kesên birîndar bi ambulansan va sewqî nexweşxaneyên li Kirikkale û Enqereyê kirin.

Li gor agahiyan di qezayê da Îlknur Bidecî (26), Îlhan Ozdemir (42), Alî Yildiz (19), Gamze Duru (25), Oznur Bidecî, Ece Unluer, Rukiye Uyar û Vasfiye Arslan mirin.

- Ji Walîtiya Enqereyê daxuyanî

Walîtiya Enqereyê der barê qezayê da daxuyanî da û ragihand ku şofêr di xew ra çûye û ji ber vê jî qeza qewimî.

Meqamên fermî der barê bûyerê da lêpirsîn dan destpêkirin.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın