Li Mersînê qeza: 3 mirî, 5 birîndar
Li Mersînê kamyoneteke karkerên demsalî dibir û dianî qeza kir, 3 kes mirin û 5 kes jî birîndar bûn.
Mersin
MERSÎN
Li Akdenîza navçeya Mersînê kamyoneteke ku karkerên demsalî dibir û dianî qeza kir û bi tirekê qelibî. Di qezayê de 3 kes mirin û 5 kes jî birîndar bûn.
Li gor agahiyan tireke plaqeya wê 33 B 8574 û nasnameya şofêrê wê hê ne diyar e li ser rêya D-400 Tarsus û Mersînê li taxa Adanaliogluyê li wesayîteke ku plaqeya wê nehatiye tespîtkirin qelibî. Di qezayê de pêşiya tirê xisar dît û wesayîta ku li hev qelibî jî ji cihê qezayê çû.
Piştî qezayê ev tira ku qeza kiribû li kêleka rê park kir.
Kamyoneteke nasnameya şofêrê wê hê ne diyar û plaqeya wê 33 TL 014 ya ku karkerên demsalî dibir û dianî ji paş ve li vê tira ku park kiribû xist û welgeriya.
Di qezayê de karkerên bi navê Dîlek (17), Hasan Arslan Ay û Husna Ay mirin, 5 kes jî birîndar bûn.
Birîndar rakirin nexweşxaneyên Mersîn Şehir û Tarsusê.
Şofêrên tirê û wesayîtê ji bo ku îfadeyê bidin çûn navenda polêsan.