Tirkiye

Tê texmînkirin li Rojhilatê wê berf bibare

Tê pêşbînîkirin ku li 5 parêzgehên herêmê li ciyên bilind û serdest wê berf bibare

Önder Beyter  | 19.11.2017 - Rojanekırın : 20.11.2017
Tê texmînkirin li Rojhilatê wê berf bibare

Erzurum

ERZURUM

Hat ragihandin ku li Herêma Rojhilatê Anadoluyê li ciyên bilind û serdest wê berf bibare.

Li gorî daxuyaniya Midûriyeta Meteorolojiyê ya Herêma 12emîn, li piraniya herêmê hewa wê sayî û nîvsayî be, bişev jî wê qiravî û bûsî çêbe.

Tê texmînkirin ku li herêmê wê ji hêla başûr û rojavayê başûr va bayekî nerm rabe û car caran jî ev ba wê nîvqewî be. Li Erzirom, Qers, Agirî, Îdir û Erdexanê piştî nîvroyê şilopeyê bibare, li ciyên bilind jî berfê bibare û herwiha li Erzinganê jî li ciyên serdest şilopeyê bibare.

Li herêma ku germahiya hewayê ji ser asta demsalê ra ye, pileya herî nizim a germahiyê li Qersê di bin sifirê da 6, li Erdexanê di bin sifirê da 4, li Agiriyê di bin sifirê da 3, li Erzirom û Îdirê sifir, li Erzinganê jî 5 pile hat pîvan.

Nava rojê pileya herî bilind a germahiyê jî wê li Îdirê 15, li Erdexan û Agiriyê 11, li Erzingan, Qers û Erziromê jî 10 pile be.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın