Whitsona kozmonota jin piştî 288 rojan bi rekorê vegeriya dinyayê
Dr. Peggy Whitsona (57) kozmonota jin piştî 288 rojan bi hevalên xwe ra ji îstasyona fezayê veqetiya û bi kapsula Soyuzê va peyayî Qazaxistanê bû
New York
NEW YORK
Dr. Peggy Whitsona (57) kozmonota jin piştî 288 rojan bi hevalên xwe ra ji îstasyona fezayê veqetiya û bi kapsula Soyuzê va peyayî Qazaxistanê bû.
Whitsonê 288 rojên vê wezîfeyê jî di nav da bi tevahî 665 rojan li fezayê ma û rekora "Welatiya Emrîkayê ya ku herî zêde li fezayê ma" û "jina ku herî zêde li fezayê ma" şikand.
Kozmonotê ûris Gennady Padalka 879 rojan li fezayê mabû û rekora "kesên ku herî zêde li fezayê ma" di destê wî da ye.
Bi Whitsonê ra Jack Fischerê astronotê ji Emrîkayê û Fyodor Yurchîkhînê kozmonotê ji Rûsyayê jî vegeriyan dinyayê. Hat ragihandin ku Fyodor Yurchîkhîn di 5 wezîfeyan da bi tevahî 673 rojan li fezayê maye.
Dr. Wîtsona 57 salî xwediyê rekora "jina herî pîr a ku derkete fezayê" ye û wek mayîn jina ku herî zêde li fezayê meşiya jî ew e.