تورکیا ئیدانەی ھێرشە تیرۆریستییەکەی ئەفغانستان دەکات
- وەزارەتی دەرەوەی تورکیا: "ئیدانەی ئەو ھێرشە تیرۆریستییە دەکەین کە لە یەکەم رۆژی مانگی رەمەزانی پیرۆز ئەنجامدرا".
Ankara
ئەنقەرە - AA
وەزارەتی دەرەوەی تورکیا، لەبارەی ئەو ھێرشە تیرۆریستییەی کە لە ویلایەتی ھۆستی وڵاتی ئەفغانستان ئەنجامدرا، راگەیەندراوێکی بڵاوکردەوە کە تێدا ئیدانەی ئەنجامدانی ئەو هێرشەی کردووە و ھاتووە: "ئیدانەی ئەو ھێرشە تیرۆریستییە دەکەین کە لە رۆژی یەکەمی مانگی رەمەزانی پیرۆز ئەنجامدرا".
لە راگەیەندراوەکەدا ئاماژە بە دڵگرانی تورکیا لەبارەی ئەنجامدانی ھێرشێکی تیرۆریستی و کەوتنەوەی ژمارەیەک قوربانی بەم ھۆیەوە لە ویلایەتی ھۆستی وڵاتی ئەفغانستان کرا.
لە بەشیکی دیکەی راگەیەندراوەکەدا ھاتووە: "داوای لێخۆشبوون بۆ ئەو کەسانە دەکەین کە لەم ھێرشە ناپاکەیەدا گیانیان لەدەستداوە. سەرەخۆشی خۆمان ئاراستەی گەل و حکوومەتی ئەفغانستان دەکەین و ھیوای زوو چاکبوونەوەش بۆ برینداران دەخوازین".
لە ئەنجامی ھێرشێک بەھۆی ئۆتۆمبێڵێکی بۆمبرێژکراو لە ویلایەتی ھۆستی وڵاتی ئەفغانستان، ١٨ کەس کوژران و شەش کەسی دیکەش برینداربوون کە ٢یان منداڵ بوون.