لەمساڵدا حەوت ملیۆن گەشتیار سەردانی شاری ئیستانبوڵ-یان کردووە
شاری ئیستانبوڵ کە بە کولتوور و مێژوو و جوانییەکەی، جیهانی سەرسام کردووە لە دواین هەشت مانگدا زیاتر لە حەوت ملیۆن گەشتیار سەردانی کردووە.
Ankara
ئەنقەرە - AA
شاری ئیستانبوڵ کە بە کولتوور و مێژوو و جوانییەکەی، جیهانی سەرسام کردووە لە دواین هەشت مانگدا زیاتر لە حەوت ملیۆن گەشتیار سەردانی کردووە.
بە گوێرەی راگەیەنراوێکی وەزارەتی رۆشنبیری و گەشتیاری تورکیا، ژمارەی گەشتیاران لە مانگی ئابی رابردوودا بە رێژەیەکی بەرچاو زیادی کردووە.بە پێی داتاکان، تەنها لە مانگی ئابی ئەمساڵدا، یەک ملیۆن و ٢٤٧ هەزار گەشتیار روویان لە شارەکە کردووە بەم شێوەیەش بە بەراورد بە ساڵی رابردوو لەسەدا ٣٧ زیادی کردووە.
راگەیەنراوەکەی وەزارەتی رۆشنبیری و گەشتیاری تورکیا ئاماژە بەوە دەکات کە لە دواین هەشت مانگدا زیاد لە حەوت ملیۆن گەشتیار سەردانی شاری ئیستانبوڵ-یان کردووە کە بە بەراورد بە ساڵی رابردوو لەسەدا ١٠،٨ زیادی کردووە.