پەیوەندی تەلەفۆنی کاڵن و ماکماستەر
- راوێژکاری ئاسایشی نیشتمانی ئەمریکا، جەنەڕال ماکماستەر و گوتەبێژی سەرۆکایەتی کۆماری تورکیا، کاڵن پەیوەندیەکی تەلەفۆنییان ئەنجام دا، و لەمیانیدا کاڵن ئاماژەی بە گرنگی بەرەنگاربوونەوەی پەکەکە، داعش و قاعیدە و رێکخراو تیرۆریستتیەکانی دیکە داوە.
Ankara
ئەنقەرە-AA
راوێژکاری ئاسایشی نیشتمانی ئەمریکا، جەنەڕال ماکماستەر و گوتەبێژی سەرۆکایەتی کۆماری تورکیا، ئیبراهیم کاڵن پەیوەندیەکی تەلەفۆنییان ئەنجام دا، و لەمیانیدا کاڵن ئاماژەی بە گرنگی بەرەنگاربوونەوەی پەکەکە، داعش و قاعیدە و رێکخراو تیرۆریستتیەکانی دیکە داوە.سەرۆکایەتی کۆماری تورکیا لەو بارەیەوە راگەیەندراوێکی بڵاو کردەوە و تێیدا ئاماژەی بەوەداوە کە لە پەیوەندییە تەلەفۆنییەکەدا باس لە هاوبەشی ستراتیجی بەردەوامی هەردوو وڵات و گرنگی بەرەنگاربوونەوەی تیرۆر لەسەرووی هەموویانەوە پەکەکە، داعش، قاعیدە، کراوە.
لە میانی پەیوەندییە تەلەفۆنییەکەدا کاڵن ئاماژەی بەوە داوە کە دەبێت پشتگیری کردنی یەپەگە/پەیەدە کۆتایی پێبهێنرێت و هاوکات هەردوولا رێککەوتن لەسەر ئەوەی قۆناغی راگوزەری سیاسی لە سووریا بێتە کایەوە کە هیچ هەرەشەیەک بۆسەر دراوسێکانی دروست نەکات و خۆشگوزەرانی و سەقامگیری لە ناوچەکە لەبار نەبات.
کاڵن و ماکماستەر جەختیان کردووەتەوە لە سەر یەکپارچەیی خاکی عێراق و سەقامگیری ناوچەکە.
هەر لە پەیوەندییە تەلەفۆنییەکەدا کاڵن باسی لە نیگەرانییەکانی وڵاتەکەی لەبەرامبەر چالاکیەکانی فەتۆ لە ئەمریکا و هەنگاوەکانی بەرەنگاری ئەو رێکخراوە تیرۆریستییە کردووە.