دەنگی تەقە لە نزیک کۆنگرێسی ئەمریکا
لەکاتێکدا ئۆتۆمبێلێک خۆی کێشا بە ئۆتۆمبێلی پۆلیس لە نزیک کۆنگرێسی ئەمریکا، شوفێرەکەی ھەڵات و دواتر چەند پۆلیسێکی تەقەیان بە ئاسماندا کرد.
واشنتۆن
لە نزیک باڵەخانەی کۆنگرێسی ئەمریکا لە واشنتۆن، کەسێک بە ئۆتۆمبێلەکەی خۆی کێشا بە ئۆتۆمبێلی پۆلیس و لە بەرامبەردا ھێزەکانی پۆلیس توانیان کەسەکە دەستگیر بکەن.
لەسەر دەنگی تەقە لە شەقامی ئیندەپەندەنس لە نزیک کۆنگرێسی ئەمریکا، هاتن و چوون بۆ نێو گۆنگرێس بۆ ماوەیەک داخرا.
دەستبەجێ ژمارەیەک ئۆتۆمبێلی فریاگوزاری بۆ شوێنی رووداوەکە گواسترانەوە و بەرپرسان ئاماژە بەوە دەکەن کە شوفێرەکە ھەڵیکوتایە سەر ئۆتۆمبێلی پۆلیس و ویستی بە ئۆتۆمبێلەکەی بۆسەر پۆلیسەکان بچێت.
بەپێی لێدوانی گوتەبێژی پۆلیسی واشنتۆن، بە مەبەستی وەستاندنی شوفێرەکە، ھێزەکانی پۆلیس تەقەیان بە ئاسماندا کردووە.
ئاماژە بەوە کراوە کە ئیف بی ئای-ش بە مەبەستی لێکۆڵینەوە لەوبارەیەوە ھاوکاری پێشکەش بە ھێزکانی پۆلیس کردووە.
گومانلێکراوەکە لە ماوەیەکی کورت دەستگیر کرا و لە رووداوەکەش ھیچ بریندارێکی لێ نەکەوتەوە.