جيهان

كلینتۆن: "تیم كاین كاندیدە بۆ پۆستی جێگری سه‌رۆكی ئه‌مریكا"

كاندیدی دیموكراته‌كان بۆ هه‌ڵبژاردنی سه‌رۆكایه‌تی ئه‌مریكا، هیلاری كلینتۆن کاندیدکردنی سیناتۆری ویلایه‌تی ڤیرجینیا، تیم كاین بۆ پۆستی جێگری سه‌رۆكی ئەو وڵاتە، راگەیاند.

Mohammed Baqi Hussein  | 23.07.2016 - نوێکردنەوە : 23.07.2016
كلینتۆن: "تیم كاین كاندیدە بۆ پۆستی جێگری سه‌رۆكی ئه‌مریكا"

واشنتۆن

پاڵێوراوی دیموكراته‌كان بۆ هه‌ڵبژاردنی سه‌رۆكایه‌تی ئەمریکا، هیلاری كلینتۆن کاندیدکردنی سیناتۆری ویلایه‌تی ڤیرجینیا، تیم كاین بۆ پۆستی جێگری سه‌رۆكی ئەو وڵاتە، راگەیاند.

ئاماده‌كارییه‌كان بۆ هه‌ڵبژاردنی سه‌رۆكایه‌تیی ئەمریکا کە بڕیارە لە 8ی تشرینی دووه‌می داهاتوودا بەڕێوەبچێت به‌رده‌وامه‌.
پاڵێوراوی دیموكراته‌كان، هیلاری كلینتۆن له‌ پێگه‌ی خۆی له‌ تۆڕی كۆمه‌ڵایه‌تیی تویته‌ر روونكردنه‌وه‌یه‌كی له‌باره‌ی كاندیدی جێگری سه‌رۆكه‌وه‌ بڵاوكرده‌وه‌.
كلینتۆن، به‌رله‌ كۆنگره‌ی پارتی دیموكرات كه‌ بڕیاره‌ دووسبەی دووشه‌ممه‌ی ده‌ست پێ بكات رایگه‌یاند، سیناتۆری ویلایه‌تی ڤیرجینیا، تیم كاین كاندیدی جێگری سه‌رۆكه‌.
كلینتۆن له‌وباره‌وه‌ نووسیویه‌تی: "خۆشحاڵم به‌ راگه‌یاندنی تیم كاین وه‌ك كاندیدی جێگری سه‌رۆك كه‌ یه‌كێكه‌ له‌وانه‌ی ژیانی خۆی له‌پێناو كه‌سانی دیكه‌دا به‌خت ده‌كات".
كاین-یش دوای كه‌مێك له‌ تویته‌ره‌وه‌ روونكردنه‌وه‌یه‌كی بڵاوكرده‌وه‌ و نووسیی: "ئێستا له‌گه‌ڵ هیلاری كلینتۆن به‌ ته‌له‌فۆن قسه‌م كرد. شانازی ده‌كه‌م كه‌هاوكاری ئه‌وم. به‌بێ ئارامییه‌وه‌ چاوه‌ڕوانی كۆبوونه‌وه‌ جه‌ماوه‌رییه‌كه‌ی سبه‌ی میامی ده‌كه‌م".

كلینتۆن له‌ كۆبوونه‌وه‌ جه‌ماوه‌رییه‌كه‌ی سبه‌ی میامیدا، كاین وه‌ك كاندیدی جێگری سه‌رۆك ده‌خاته‌ به‌رده‌م ده‌نگده‌ران.

كاین كه‌ به‌باشی زمانی ئیسپانی ده‌زانێت، چاوه‌ڕان ده‌كرێت له‌ كۆبوونه‌وه‌ جه‌ماوه‌رییه‌كه‌دا له‌ میامی كه‌ رێژه‌یه‌كی زۆری ده‌نگده‌ری به‌ڕه‌گه‌ز لاتینی تێدا ده‌ژی، چه‌ند په‌یامێك بە زمانی ئیسپانی پێشكه‌ش بكات.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın