كۆبوونەوەی شای سعوودیە و وەزیری دەرەوەی ئەمریكا
- شای سعوودیە، سەلمان بن عەبدولعەزیز ئالسعود دوایین پێشهات و رووداوەكانی ناوچەكەی لەگەڵ وەزیری دەرەوەی ئەمریكا، رێكس تیلەرسن تاوتوێ كرد.
Suudi Arabistan
ریاز ــ AA
شای سعوودیە، سەلمان بن عەبدولعەزیز ئالسعود لە كۆشكی یەمامە لە شاری ریاز پێشوازی لە وەزیری دەرەوەی ئەمریكا، رێكس تیلەرسن كرد و كۆبوونەوە.
ئاژانسی هەواڵیی سعوودیە بڵاوی كردەوە كە لە كۆبوونەوەكەدا، پەیوەندییە دووقۆڵییەکان و ئاسۆی هاوكارییەكانی نێوان هەردوو وڵات و دوایین پێشهات و رووداوەكانی ناوچەكە تاوتوێ كرا.
دوێنێ شەممە، وەزیری دەرەوەی ئەمریكا، رێكس تیلەرسن گەشتێكی بۆ پێنج وڵات دەست پێكرد كە لە نێویاندا سعوودیە و قەتەر دەگرێتەوە و لە میانیدا ژمارەیەك بابەت لەوانەش قەیرانی كەنداو لەگەڵ بەرپرسانی ئەو وڵاتانە تاوتوێ دەكات.
بڕیارە رێكس تیلەرسن بەشداری لە یەكەم كۆبوونەوەی هەماهەنگی نێوان عێراق و سعوودیە بكات كە ئەمڕۆ یەكشەممە بەڕێوەدەچێت.
ئەم سەردانەی وەزیری دەرەوەی ئەمریكا بۆ سعوودیە هاوكاتە لەگەڵ سەردانەكەی سەرۆكوەزیرانی عێراق، حەیدەر عەبادی كە دوێنێ بۆ ئەو وڵاتە ئەنجامی داوە.