لیبیا.. رزگاركردنی ١٢٠ كۆچبەری نایاسایی
- هێزی دەریاوانی لیبیا، ١٢٠ كۆچبەری نایاسایی لە كەناراوەكانی رۆژئاوای ئەو وڵاتە رزگار كرد.
Libyan
تەرابلوس ــ AA
دەریاوانی لیبیا سەر بە حكوومەتی ویفاقی نیشتمانی رایگەیاند كە هێزەكانیان، ١٢٠ كۆچبەری نایاساییان لە كەناراوەكانی باكووری رۆژئاوای شاری تەرابلوسی پایتەخت رزگاركردووە.
لە لێدوانێكدا بۆ ئاژانسی ئانادۆڵو، ئەفسەر لە هێزەی دەریاوانی لیبیا لە تەرابلوس، عەقید ئەشرەف بەدری گوتی: "ئەو ١٢٠ كۆچبەرە لە لایەن هێزەكانیانەوە لە كەناراوەكانی شاری زاویە باكووری رۆژئاوای تەرابلوسی پایتەخت رزگاركراون".
ئەشرەف بەدری راشیگەیاندووە كە ١٢٠ كۆچبەرە نایاسایەكە، هەڵگری رەگەزنامەی ژمارەیەك وڵاتی ئەفریقان.
ناوبراو ئەوەشی ئاشكرا كرد كە كۆچبەرە نایاساییەكان، رادەستی دەزگای بەرنگاربوونەوەی كۆچی نایاسایی كراون.
دوێنێ دووشەممە، دەریاوانی لیبیا رایانگەیاندبوو كە هێزەكانیان ٣٢٤ كۆچبەری نایاساییان لە كەناراوەكانی شاری زەوارە باكووری رۆژئاوای ئەو وڵاتە رزگار كردووە.