كۆبوونەوەی یەكێتی نیشتمانی و پارتی دیموکراتی کوردستان
شاندی پارتی دیموكراتی كوردستان لە بارەگای مەكتەبی سیاسی یەكێتیی نیشتمانیی كوردستان، لەگەڵ ئەندامانی مەكتەبی سیاسی ئەو حزبە كۆبوونەوە.
As Sulaymaniyah
سلێمانی ـ AA
شاندەكەی پارتی دیموكراتی كوردستان بە سەرۆكایەتی سكرتێری مەكتەبی سیاسی ئەو حزبە، فازڵ میرانی دوای كۆبوونەوەیەكی درێژخایەن لەگەڵ بزووتنەوەی گۆڕان، سەردانی بارەگای مەكتەبی سیاسی یەكێتیی نیشتمانیی كوردستانیان كرد لە شاری سلێمانی و لە لایەن لێپرسراوی دەستەی كارگێڕی مەكتەبی سیاسی ئەو حزبە مەلا بەختیار و ژمارەیەك لە بەرپرسانی تری یەكێتی پێشوازی كران.
شاندی پارتی بۆ ماوەی پێنج کاتژمێر لەگەڵ رێكخەری گشتی بزووتنەوەی گۆڕان، عومەری سەید عەلی و بەرپرسانی تری گۆڕان لە كۆبوونەوەدا بوون، دوای تەواوبوونی كۆبوونەوەكەش ئامادە نەبوون هیچ لێدوانێك لەسەر دەرەنجامەكەی بدەن.
چاوەڕوان دەکرێ پرسی کاراکردنەوەی پەرلەمانی هەرێمی کوردستان و ناکۆکی لایەنە سیاسییەکان لەم بارەیەوە، تەوەری سەرەکی کۆبوونەوەکانی ئەمڕۆی نێوان پارتی دیموکرات و یەکێتی نیشتمانی و بزووتنەوەی گۆڕان بووبێتن.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن