ئێران.. ژمارەی قوربانیانی دوو هێرشەكە گەیشتە ١١ كەس
- لە ئاكامی ئەو دوو هێرشە چەكدارییەی كە كرایە سەر پەرلەمانی ئێران و مەزارگەی ئیمام خومەینی، ١١كەس كوژران و بریندار بوون.
Tahran
تاران ــ AA
لە ئاكامی ئەو دوو هێرشە چەكدارییەی كە كرانە سەر پەرلەمانی ئێران و مەزارگەی ئیمام خومەینی، كەسێك كوژراو و ١٠ی دیكەش بریندار بوون.
میدیاكانی ئێران بڵاویان كردەوە كە بە یانی ئەمڕۆ چوارشەممە، چوار چەكدار هێرشیان كردە سەر پەرلەمانی ئێران و هەروەها هێرشێكی خۆكوژیش كرایە سەر مەزارگەی ئیمام خومەینی.
بەپێی میدیاكانی ئێران كە لە ئاكامی هێرشەكەی سەر پەرلەمانی ئێران، كەسێك كوژراو و ٨ی دیكەش بریندار بوون و هەروەها لە كردە خۆكوژییەكەی سەر مەزارگەی ئیمام خومەینیش، دوو كەس برینداربوون.
پێشتر ئاژانسی تەسنیم ــ ی ئێران بڵاوی كردەوە كە بە هۆی ئەو هێرشە چەكدارییەی كە كرایە سەر پەرلەمانی ئێران، پاسەوانێك كوژرا.