ھەڵەبجە.. رێکخراوە مرۆییەکانی تورکیا ٤٥ خیوەتیان بۆ بەشی ناوخۆیی کچان هەڵدا
- لە بەردەوامی ھاوکارییەکانی ھەردوو رێکخراوی مانگی سووری تورکی و ئافاد ، ٤٥ خیوەتی تر لە بەشی ناوخۆیی کچانی زانکۆی ھەڵەبجە جێگیر کران.
As Sulaymaniyah
ھەڵەبجە - AA
ئەمڕۆ لە بەشی ناوخۆیی کچانی زانکۆی ھەڵەبجە، ھەردوو رێکخراوی مانگی سووری تورکی و ئافاد، ھەستان بە ھەڵدان و جێگیرکردنی ٤٥ خیوەت لەناو بەشە ناوخۆییەکەدا.
ئەوەش دوای ئەوە دێت، ئەو بەشە ناوخۆییە کە دەکەوێتە بەشی سەرووی شارەکەوە، بە ھۆی بوومەلەرزەکەی شەوی ١٢ی ئەم مانگە زیانی پێگەیشتووە و قوتابیانی کچانی بەشە ناوخۆییەکەش ترسیان ھەیە لە مانەوە لەناو باڵەخانەکەدا.
دوێنێ، ھەردوو رێکخراوی مانگی سووری تورکی و ئافاد ھەستان بە جێگیرکردنی چەند خیوەتێکی تر لەناو نەخۆشخانەکانی شارەکەدا، ئەو خیوەتانە جێگای ٦٠ قەرەوێڵەی تیادا دەکرێتەوە و لەیەک کاتدا دەتوانرێت ٦٠ نەخۆشی تیادا چارەسەر بکرێت".
لەلایەکی ترەوە ، ئەمڕۆ تیمەکانی ھەردوو رێکخراوی مانگی سووری تورکی و ئافاد خواردنی ئامادەکراویان بۆ ھەزار و ٢٠٠ کەسی تر ئامادە کرد و بەسەر بەشە ناوخۆییەکانی زانکۆ و نەخۆشخانەکان و ناوچە زیانلێکەوتووەکانی دەورووبەری ھەڵەبجەدا دابەشکرد.