رۆناڵدۆ دەیەوێت کۆی باڵۆندۆر و منداڵەکانی وەک ژمارەی درێسەکەی لێبکات
- ئەستێرەی هەڵبژاردەی پرتوگال و یانەی ریال مەدریدی ئیسپانی، کریستیانۆ رۆناڵدۆ دەیەوێت ببێتە خاوەن ٧ منداڵ و ٧ باڵۆندۆر.
Ankara
ئەنقەرە - AA
ئەستێرەی هەڵبژاردەی پرتوگال و یانەی ریال مەدریدی ئیسپانی، کریستیانۆ رۆناڵدۆ دەیەوێت ببێتە خاوەن ٧ منداڵ و ٧ باڵۆندۆر.
رۆناڵدۆ کە خاوەنی چوار باڵۆندۆرە، دڵنیایە لەوەی کە خەڵاتی ئەمساڵیش بۆ ئەم دەبێت و لەبارەیەوە رایگەیاند: "دڵنیام لەوەی کە ئەمسالێش خەڵاتی باڵۆندۆر بەدەست دەهێنم. کارێکی گرنگ دەبێت کە پێنجەمین خەڵات بەدەست بهێنم. ئارەزوو دەکەم وەرزەکانی داهاتووش لەسەر ئەو ئاستەی ئێستام بەردەوام بم و ئەو خەڵاتە ببەمەوە . ئامانجم ئەوەیە حەوت خەڵاتی باڵۆندۆر بەدەست بهێنم".
رۆناڵدۆی تەمەن ٣٢ ساڵ تیشکی خستە سەرئەوەی کە بەو دوایانە زیاتر گرنگی خێزانی بۆ دەرکەوتووە و گوتی: "ئیدی وا بەرەو ٣٣ ساڵی دەچم، ژیانی من تەنیا تۆپی پێ نییە. ئارەزوو دەکەم حەوت منداڵم هەبێت".
ئەستێرەکەی ریال مەدرید باسی لە کەمی گۆڵتۆمارکردنەکانیشی کردووە و رایگەیاندووە "من رەخنە لەو کەسانە ناگرم کە پرسیاری کەمی گۆڵتۆمارکردنم لێدەکەن، بەڵام ئەوەی لام سەیرە دەچمە ماڵەوە ئەندامانی خانەوادەکەم هێرشم دەکەنە سەر لەوەی گۆڵ تۆمارناکەم و دەپرسن چیت لیهاتووە؟".
کریستیانۆ رۆناڵدۆ کە سەرەتای وەرز سزای چوار یاری سڕکردنی بەسەردا سەپێندرا لەگەڵ یانەی ریال مەدرید لە حەوت یاری تەنیا یەک گۆڵی تۆمار کردووە.