شاراپۆڤا پاڵەوانیەتی کراوەی تیانجین-ی بە دەست هێنا
- لە یاریی کۆتایی پاڵەوانیەتی کراوەی تیانجیندا، کچە تێنسزانی رووسی، ماریا شاراپۆڤا بە دوو کۆمەڵەی بێ بەرامبەر لە کچە تێنسزانی بیلاڕووسی، ئارینا سابالێنکای بردەوە و بووە پاڵەوان.
Istanbul
ئیستانبوڵ - AA
لە یاریی کۆتایی پاڵەوانیەتی کراوەی تیانجیندا، کچە تێنسزانی رووسی، ماریا شاراپۆڤا بە دوو کۆمەڵەی بێ بەرامبەر لە کچە تێنسزانی بیلاڕووسی، ئارینا سابالێنکای بردەوە و بووە پاڵەوان.
یارییەکە لە شاری تیانجین رۆژهەڵاتی چین بەڕێوەچوو و ماوەی دوو کاتژمێر و پێنج خولەکی خایاند، شاراپۆڤا بە دوو کۆمەڵە و بە ئەنجامەکانی هەریەک لە ٧-٥ و ٧-٦ سەرکەوتنی بەسەر سابالێنکادا بەدەستهێنا.
بەو شێوەیەش شاراپۆڤا کە لە ریزبەندی ٨٦ی کچە تێنسزانانی جیهاندایە و تەمەنی ٣٠ ساڵە، دوای ١٥ مانگ لە سزادانی بە هۆی بەکارهێنانی ماددە هۆشبەرەکانەوە، یەکەمین پاڵەوانێتیی بەدەست هێنا.