Брачниот пар Клуни донираа 1 милион долари за борба против омразата
Фондацијата „Клуни“ минатата недела донира 2 милиони долари за образование на сириските деца-бегалци
Los Angeles
ЛОС АНЏЕЛЕС (АА) - Брачниот пар Амал и Џорџ Клуни донираа 1 милион долари за борба против групите што шират омраза, јавува Anadolu Agency (AA).
Актерот Џорџ Клуни и неговата сопруга Амал Клуни изјавија дека Фондацијата „Клуни“ донира 1 милион долари за институцијата Јужен правен центар за сиромашни во САД, за борба против групите што шират омраза.
Познатиот актер Џорџ Клуни истакна дека сакаат материјално и духовно да ја поддржат борбата за еднаквост, и додаде: „Не постојат две страни на нетолеранцијата и омразата“.
Фондацијата „Клуни“ минатата недела донира 2 милиони долари за образование на сириските деца-бегалци.
И технолошкиот гигант „Apple“ (Епл) соопшти дека минатата недела донирал средства во висина од 2 милиони долари за борбата против групите што шират омраза.