Itali, muzetë donojnë të ardhurat për të rindërtuar zonat e shkatërruara nga tërmeti
Ministri italian i Kulturës, Dario Franceschini kërkoi nga qytetarët të "vizitojnë muzeun në shenjë solidariteti me njerëzit e prekur nga tërmeti"
Romë
ROMË (AA) - Muzetë shtetërore italiane do të donojnë të ardhurat e tyre nga e diela për ndihmë dhe rindërtimin e zonave të shkatërruara nga tërmeti në të cilin 291 njerëz humbën jetën dhe qindra të tjerë u plagosën, raporton Anadolu Agency (AA).
Tërmeti 6.2 ballë i cili të mërkurën në mëngjes pothuajse rrafshoi me tokën tre qytete mesjetare në Italinë qendrore jo vetëm që shkatërroi shtëpitë private por edhe kisha dhe monumente tjera shekullore kulturore.
Ideja e muzeut është që të përdorin artin për art të trashëgimisë që pasuria artistike e këtij kombi të përdoret në rindërtimin e objekteve të tjera të vlefshme në qytetet e shkatërruara nga tërmeti.
Ministri italian i Kulturës, Dario Franceschini kërkoi nga qytetarët të "vizitojnë muzeun në shenjë solidariteti me njerëzit e prekur nga tërmeti". Apeli është paraqitur në rrjetin social Twitter nën hashtagun #museums4italy.
Ky veprim është një nga ato që janë ngritur për të ndihmuar në rindërtimin e qyteteve të shkatërruara.
Rajoni qendror i Gadishullit Apenin gjatë historisë ka përjetuar disa tërmete të rënda. Në tërmetin prej 6.3 ballë në vitin 2009 në qytetin L'Aquila humbën jetën 295 persona, mbi .1.000 u plagosën ndërsa 55.000 njerëz mbetën pa kulm mbi kokë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.