Izraeli vë në izolim kreun e burgosur të lëvizjes Fatah
Aktivistët theksuan se Barghouthi është vendosur në izolim për të parandaluar atë nga “komunikimi me mbështetësit e tij”
Ramallah
RAMALLAH (AA) – Sipas disa aktivistëve palestinezë, autoritetet izraelite vendosën kreun e burgosur të lëvizjes palestineze Fatah, Marwan Barghouthi, në izolim në burgun qendror të Izraelit Hadarim, raporton Anadolu Agency (AA).
Në një konferencë për media, aktivistët e anëtarësuar me Fushatën popullore për lirimin e të burgosurve politikë palestinezë, një organizatë joqeveritare lokale, theksuan se Barghouthi është vendosur në izolim për të parandaluar atë nga “komunikimi me mbështetësit e tij”.
Kjo lëvizje në një kohë kur territoret palestineze, më së shumti pjesa e Lindjes së Mesme, janë duke përjetuar protesta të shkallës së lartë kundër vendimit të javës së kaluar të presidentit të SHBA-ve, Donald Trump, për të njohur Kudsin si kryeqytet të Izraelit.
58 vjeçari Marwan Barghouthi ka kaluar 15 vite burg që kur u arrestua nga Izraeli në vitin 2002 gjatë “Intifadës së dytë Palestineze”, kur ai mori pjesë në aktivitetet e rezistencës së armatosur kundër okupimit izraelit.
Derisa Izraeli e sheh Barghouthi-n si kërcënim për sigurinë, votimet e publikut vazhdimisht kanë treguar se ai është zgjedhja më popullore mes palestinezëve për të patur sukses në udhëheqësinë e lëvizjes Fatah dhe presidentit Mahmoud Abbas.