Turqia

Parlamenti i Turqisë mund të debatojë për vazhdimin e gjendjes së jashtëzakonshme

Duke kujtuar se gjendja e jashtëzakonshme në vazhdim do të përfundojë më 19 tetor, kryetari i grupit parlamentar të partisë në pushtet theksoi se një diskutim mbi vazhdimin duhet të zhvillohet brenda javës së ardhshme

Emin Avundukluoğlu  | 13.10.2017 - Përdıtësım : 13.10.2017
Parlamenti i Turqisë mund të debatojë për vazhdimin e gjendjes së jashtëzakonshme

Ankara

ANKARA (AA) – Kryetari i grupit të deputetëve të Partisë për Drejtësi dhe Zhvillim (AK Parti), Mustafa Elitaş, tha se Parlamenti i Turqisë javën e ardhshme mund të diskutojë vazhdimin e gjendjes së jashtëzakonshme, e cila është shpallur më 20 korrik 2016 dhe është vazhduar tre herë që nga ajo kohë, raporton Anadolu Agency (AA).

Duke folur për AA, Elitaş tha se “Ekziston një mundësi që mocioni për vazhdimin e gjendjes së jashtëzakonshme të debatohet të martën ose të mërkurën”. Elitaş shtoi se fillimisht ata ishin në pritje për një sugjerim nga Këshilli i Sigurisë Kombëtare në lidhje me një vazhdim.

Duke kujtuar se gjendja e jashtëzakonshme në vazhdim do të përfundojë më 19 tetor, kryetari i grupit parlamentar të partisë në pushtet theksoi se një diskutim mbi vazhdimin duhet të zhvillohet brenda javës së ardhshme, derisa të arrijë një sugjerim nga Këshilli dhe një mocion pasues nga qeveria.

Ai bëri të ditur se Këshilli dhe Kabineti do të takohen të hënën e ardhshme.

Republika e Turqisë shpalli gjendjen e jashtëzakonshme pesë ditë pas tentativës për grusht shteti nga organizata terroriste FETO. Sipas Kushtetutës turke, gjendja e jashtëzakonshme mund të deklarohet për një periudhë maksimale prej gjashtë muajsh.

Gjatë gjendjes së jashtëzakonshme, Kabineti ka të drejtë të nxjerrë dekrete statutore nën presidentin e Republikës pa marrë parasysh procedurat rutinore dhe kufizimet në nenin 91 të Kushtetutës së vendit.

Këto dekrete janë shpallur fillimisht në Gazetën Zyrtare dhe më pas janë dorëzuar në Parlament për ratifikim.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın