Politikë

"Qeveria e Shqipërisë do të mbështesë zbatimin e reformës në drejtësi"

Gjonaj: "Qeveria shqiptare, ashtu siç ka premtuar se do të mbështesë zbatimin e reformës në drejtësi në aspektin buxhetor dhe atë infrastrukturor"

Fatjon Cuka  | 09.10.2017 - Përdıtësım : 10.10.2017
"Qeveria e Shqipërisë do të mbështesë zbatimin e reformës në drejtësi" Fotoreporter: Olsi Shehu / AA

Tiranë

TIRANË (AA) - Në mbledhjen e sotme, Këshilli i Ministrave i Shqipërisë mori vendimin për përcaktimin e pagesës shtesë të të gjithë anëtarëve të institucioneve të rivlerësimit të gjyqtarëve, konfirmoi sot në një deklaratë për mediat, ministrja e Drejtësisë e Shqipërisë, Etilda Gjonaj, raporton Anadolu Agency (AA). 

Gjonaj gjatë deklaratës u shpreh se "Qeveria shqiptare, ashtu siç ka premtuar se do të mbështesë zbatimin e reformës në drejtësi në aspektin buxhetor dhe atë infrastrukturor, me vendimin e sotëm konfirmoi edhe njëherë angazhimin e saj serioz. Mbështetja nga ana e qeverisë përsa i përket buxhetit është një detyrim sa kushtetues edhe ligjor, aq sa edhe shprehja e një vullneti të plotë për rritjen e pagesës me 50 për qind më shumë".

Sipas saj, me vënien në dispozicion të godinave dhe infrastrukturës, me miratimin e strukturës, si dhe me shtesën e pagës për anëtarët e komisioneve të Vettingut, institucionet e reja janë gati të fillojnë nga procesi, që sot.

Gjonaj ka theksuar në fund se Qeveria ka ofruar të gjithë mbështetjen e nevojshme për zbatimin e reformës në drejtësi, pavarësisht vështirësive ligjore dhe atyre financiare. 

Me ndryshimet kushtetuese të vitit të kaluar dhe me miratimin e disa ligjeve të reja, në sistemin e drejtësisë në Shqipëri janë krijuar institucione të reja, si Këshilli i Lartë Gjyqësor, Kolegji i Posaçëm i Apelimit, Komisioni i Pavarur i Kualifikimit, etj. 

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın