Tenis, në turneun e Milanos për herë të parë në histori pa refer anësor
Në fushë do të jetë vetëm gjyqtari kryesor i ulur në karrige, ndërsa do të ndihmohet nga teknologjia video
Shkup
SHKUP (AA) – Në turneun e tenistëve më të mirë në botë për të rinj që do të mbahet në Milano, në datat 7-11 nëntor, për herë të parë në historinë e tenisit nuk do të ketë refer anësor, raporton Anadolu Agency (AA).
Në fushë do të jetë vetëm gjyqtari kryesor i ulur në karrige, ndërsa do të ndihmohet nga teknologjia video. Çdo pikë do të monitorohet nga kompjuteri, ndërkohë që vendimet e dyshimta do të përcillen në ekranin e madh të vendosur.
ATP njoftoi se nëse i gjithë sistemi do të rezultojë i mirë në Milano, "mund të arrihej një revolucion i vërtetë në referim sepse lojtarët meritojnë që gabimet të minimizohen deri në minimum".