Turqi, 8 të vdekur gjatë përplasjes së autobusëve
Autobusi i cili vinte nga Nahiçevani, republikë autonome në përbërje të Azerbajxhanit, u përplas në rrugën Igdir – Nahiçevan me një autobus i cili nga Igdiri udhëtonte në këtë rajon
Igdır
IGDIR (AA) – Gjatë përplasjes së autobusëve që ndodhi sot në mëngjes në Igdir, në lindje të Turqisë, kanë humbur jetën tetë persona, ndërsa 28 të tjerë u lënduan, raporton Anadolu Agency (AA).
Autobusi i cili vinte nga Nahiçevani, republikë autonome në përbërje të Azerbajxhanit, u përplas në rrugën Igdir – Nahiçevan me një autobus i cili nga Igdiri udhëtonte në këtë rajon.
Nga aksidenti rrugor humbën jetën shoferi i autobusit dhe gjashtë pasagjerë, ndërsa u shkaktua edhe dëm i konsiderueshëm material i autobusëve.
Në vendin e ngjarjes u dërguan ekipe policore, zjarrfikëse dhe të ndihmës së shpejtë. Personat e lënduar janë dërguar në spitalet më të afërta. Vendin e aksidentin e vizitoi edhe prefekti i Igdirit, Ahmet Turgay Alpman.
Pesë persona të lënduar janë në gjendje të rëndë. Në mesin e atyre që humbën jetën pesë janë shtetas të Azerbajxhanit dhe tre të Turqisë, ndërsa shumica e të lënduarve po ashtu janë nga Azerbajxhani.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.