Buroya Lêpirsînê ya Federal (FBI) îdia kir ku Îranê ji bo hackirina hilbijartinên serokatiyê yên Amerîkayê hewl da û agahiyên Serokê Amerîkayê yê berê Donald Trump dan Demokratan. Nûnertiya Daîmî ya Neteweyên Yekbûyî ya Îranê ragihand ku ev îdia ne rast in û nayên qebûlkirin.

Nûnertiya Daîmî ya NYê ya Îranê der barê mijarê da daxuyaniya nivîskî da nûçegihanê AAyê.

Di daxuyaniyê da hat destnîşankirin ku tu meşrûiyeteke îdiayan tuneye û ne rast in û wiha hat gotin, "Îran tevî rageşiyên navxweyî û nîqaşên hilbijartinê nabe."

Di daxuyaniyê da hat diyarkirin, wekî berê jî hatibû gotin, tu hincet û niyetek tuneye ku Îran tevî hilbijartina Amerîkayê bibe, ew hemû îdiayên bi vî rengî red dikin.

Her wiha di daxuyaniyê da hat gotin ku divê Amerîka bi awayekî fermî û zelal delîlên îdiayan derxe holê, îdiayên bi vî rengî ku timî tên gotin, zirarê didin îtibara Amerîkayê.