Di êrîşên Îsraîlê yên dijî Xeta Xezeyê da yên ji 7ê Cotmeha 2023yan û vir va didomin, di 24 saetên dawîn da 40 Filistînî hatin kuştin.

Di daxuyaniya Wezareta Tenduristiyê ya li Xezeyê da biwarê êrîşên Îsraîlê yên dijî Xeta Xezeyê 352 roj e didomin, agahî hat dayîn.

Di daxuyaniyê da hat diyarkirin ku artêşa Îsraîlê li deverên cuda yên Xezeyê di 24 saetên dawîn li dijî 3 malbatan qetlîam pêk anîn û di encamê da 40 Filistînî hatin kuştin û 50 Filistînî jî birîndar bûn.

Hat diyarkirin, li Xezeyê hejmara kesên ji 7ê Cotmehê û vir va hatin kuştin derket 41 hezar û 431ê, ya birîndaran jî derket 95 hezar û 818an.

Dîsa ew yek jî hat destnîşankirin ku hê di bin enqazan da û li devê rêyan cinaze hene, lê ji ber astengkirina hêzên Îsraîlî, ekîbên tenduristiyê û rayedarên parastina sivîl nikarin xwe bigihînin cinazeyan.