YPG/PKKyê li Hesekeyê ofîsa Kurdên mixalif ENKSyê şewitand

Rêxistina terorê YPG/PKKyê li rojhilatê bakurê Sûriyeyê li Dirbêsiya navçeya Hesekeyê avêt ser ofîseke Encumena Niştîmanî ya Kurd li Sûriyeyê (ENKS) û ofîs şewitand.

Li gorî daxuyaniya nivîskî ya Kurdên mixalif ENKSyê, komeke girêdayî rêxistina terorê PYD/YPG/PKKyê li navçeya Dirbêsiyê avêt ser buroya Partiya Demokrat a Kurdistanê ya Sûriyeyê (PDK-S) ku di bin sîwana ENSKyê da ye.

Terorîstan bi molotofkokteylan va buro agirdadayî kir.

Hat diyarkirin, hin alavên di ofîsê da şewitîn û agir ji hêla cîranan hat vemirandin.

Hat bibîrxistin ku ev êrîş ne ya ewil e û berî niha jî li dijî ofîsên partiyên endamê ENKSyê êrîşên bi vî rengî hatin kirin.

Terorîstên YPG/PKKyî di 17ê Berfanbara 2021ê da ofîsa ENKSyê ya li Dirbêsiyê şewitandibûn, di 28ê Îlona 2021ê da jî li navçeya Qamişloyê bi molotofkokteylan êrîşî 2 ofîsên ENKSyê û ofîsa saziyeke çapemeniyê kiribûn.

-

ENKS ji 12 partiyên kurdan ên li Sûriyeyê pêk tê û li dijî PYD û polîtîkayên wê yên otokratîk mixalefetê dikin.

ENKS bi fikr, raman, hewl û xebatên xwe nêzî Partiya Demokrat a Kurdistanê (PDK) ye û lîderê PDKyê jî Mesûd Barzanî ye.

YPG/PKKyê dema bakurê Sûriyeyê dagir kir nehişt ku endamên ENKSyê yên muxalîf xebatên xwe bibin serî, hêzên wan ên çekdar tesfiye kir, gelek siyasetmedarên wan binçav kir û ofîsên wan jî girt.