توركيا

بوومه‌له‌رزه‌یه‌ك ئادیامانی هه‌ژاند

- بوومه‌له‌رزه‌یه‌ك به‌گوڕی 5.1 پله‌ شارۆچكه‌ی سامساتی ئادیامانی هه‌ژاند. - بوومه‌له‌رزه‌كه‌ له‌ هه‌ریه‌ك له‌ ئادیامان، ئورفا، عه‌نتاب و دیاربه‌كر هه‌ستی پێكراوه‌.

Kemal Karagöz, Mohammed Baqi Hussein, Muhammet Ali Kemal  | 24.04.2018 - نوێکردنەوە : 24.04.2018
بوومه‌له‌رزه‌یه‌ك ئادیامانی هه‌ژاند

Adıyaman

ئادیامان - AA

بوومه‌له‌رزه‌یه‌ك به‌گوڕی 5.1 پله‌ شارۆچكه‌ی سامساتی ئادیامانی هه‌ژاند.

کاتژمێر 03:34ی ئەمڕۆ بوومه‌له‌رزه‌یه‌ك به‌گوڕێ 5.1 پله‌ و له‌ قووڵایی حەوت كیلۆمه‌تره‌وه‌ ناوه‌ندی شارۆچكه‌ی سامساتی هه‌ژاند.

دوای ئه‌و بوومه‌له‌رزه‌یه‌ له‌ماوه‌ی یەک كاتژمێردا هه‌شت بوومه‌له‌رزه‌ی دیكه‌ به‌گوڕی 1.4 بۆ 2.7 پله‌ ناوچه‌كه‌ی هه‌ژانده‌وه‌.

له‌ئه‌نجامی بوومه‌له‌رزه‌كه‌دا چه‌ند بینایه‌كی شارۆچكه‌كه‌ و ده‌ورووبه‌ری زیانیان به‌ركه‌وتووه‌ و هه‌ندێك له‌ هاووڵاتیانیش به‌ هۆی ترس و دڵه‌ڕاوكێوه‌ باری ته‌ندروستییان تێكچووه‌ و له‌ لایه‌ن تیمه‌کانی فریاگوزارییه‌وه‌ گه‌یه‌نراونه‌ته‌ نه‌خۆشخانه‌.

قایمقامی سامسات، سه‌دات سه‌زیك له‌ لێدوانێكدا بۆ په‌یامنێری ئاژانسی ئانادۆڵو ئاماژه‌ی به‌وه‌كرد له‌دوای ئه‌و بوومه‌له‌رزه‌یه‌ی له‌ هه‌ریه‌ك له‌ ئادیامان، ئورفا، عه‌نتاب و دیاربه‌كر هه‌ستی پێكراوه‌، كاره‌كانی گه‌ڕان و رزگاكردن له‌ شارۆچكه‌كه‌ ده‌ستیان پێكردووه‌ و تیمه‌كانی ئافاد له‌ ناوچه‌كه‌ ده‌ستیان به‌ كاره‌كانیان كردووه‌.

13 كه‌س کە به‌ر بوومه‌له‌رزه‌ كه‌وتوون كه‌ زۆرینه‌یان به‌ ساڵاچوون، له‌دوای رووداوه‌كه‌ سه‌ردانی نه‌خۆشخانه‌كانی سامسات و ئادیامان-یان كردووه‌.

كاربه‌ده‌ستانی ته‌ندروستی ئاماژه‌ به‌وه‌ده‌كه‌ن کە له‌ ئه‌نجامی بوومه‌له‌رزه‌كه‌دا هیچ كه‌سێك گیانی له‌ده‌ستنه‌داوه‌ و ئه‌وانه‌شی كه‌ سه‌ردانی نه‌خۆشخانه‌كانیان كردووه‌، كێشه‌یه‌كی جددیی ته‌ندروستییان نه‌بووه‌.

رۆژی دووی ئاداری 2017 بوومه‌له‌ره‌یه‌ك به‌ گوڕی 5.5 شارۆچكه‌ی سامساتی هه‌ژاندبوو.

بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
بابه‌ته‌ په‌یوه‌ندیداره‌كان
Bu haberi paylaşın