هەکاری - AA

لە پارێزگای هەکاری، شوانەکان کە ڕانە مەڕەکانیان بردووەتە کوێستانەکان بۆ لەوەڕاندنیان، بەمەبەستی گواستنەوەیان بۆ شوێنێکی شیاو و دۆشینیان، ئاژەڵەکانیان بەو ناوچانەدا تێپەراند کە هێشتا بە بەفر داپۆشراون.

هەکاری کە بە بەراورد بە ساڵانی پێشوو زیاتر بەفری لێ باریوە، هێشتا هەندێک لە بەرزاییەکانی پارێزگاکە بەفری لێ ماوە.

لەگەڵ بەرزبوونەوەی پلەکانی گەرما، شوانەکان ڕوویان لە کوێستانەکانی ناوچەکە کردووە بۆ لەوەڕاندنی مەڕ و ماڵاتەکانیان و، هەر کاتێک کاتی دۆشینی ئاژەڵەکانیش دێت ناچارن بە ناوچە بەفراوییەکاندا بیانهێننە خوارەوە و بیانگوازنەوە بۆ ئەو شوێنەی دەیاندۆشن.

شوانەکان دووچاری سەختی دەبن لە تێپەڕبوونیاندا بەو ناوچە سەختانەدا و، دوای دۆشینی مەڕ و ماڵاتەکەش سەرلەنوێ ملی ڕێگاکە دەگرنەوە بەر و ڕوو لە کوێستانەکە دەکەنەوە.