АНКАРА (АА) - Научниците открија дека растенијата испуштаат звуци што не може да ги слушне човечкото уво, а овие звуци се зголемуваат кога растенијата се жедни или под стрес, јавува Анадолу.

Според истражувањето објавено во научното списание „The Cell“, ботаничарите истакнале дека спротивно на она што беше познато, растенијата не се „тивки суштества“.

„Има многу организми кои реагираат на звукот, па мислев дека немаме добра причина да веруваме дека растенијата се глуви и неми“, изјави за „Си-ен-ен“ професорката Лилах Хадани, декан на Факултетот за наука при Универзитетот во Тел Авив.

Хадани, која првпат го сними гласот на кактусот пред шест години користејќи ултразвучен микрофон во нејзината лабораторија, рече дека не е сосема сигурна дали звукот што го снимила доаѓа од кактусот или од нешто друго во околината.

Потсетувајќи дека претходно било познато дека растенијата создаваат вибрации, но нема докази дека тие се претвораат во звучни бранови кои патуваат низ воздухот, Хадани истакна дека таа и нејзиниот тим работеле на звучно изолирана акустична кутија.

Нејзините тимски акустични микрофони што можат да перципираат звуци од 20 до 250 килохерци се ставени во кутиите каде што ги ставиле и садниците од тутун и домати, а дел од растенијата биле исечени, некои останале без вода, а некои воопшто не биле допрени.

Тимот потоа снимил звуци од 40 до 80 килохерци што се нечујни за човекот. Според нив, овие гласови се слични на оној на пукање на пуканки.

Тимот исто така откри дека растенијата кои се под стрес создаваат повеќе звук.