Во Туркије откопана римска фонтана стара 2.200 години

ЧАНАККАЛЕ (АА) - Во северозападна Туркије се откриени остатоци од римска фонтана стара 2.200 години, објавија денес археолозите од античкиот локалитет Асос, јавува Агенција Анадолија (АА).

„Според нашите првични наоди, дознавме дека станува збор за прекрасна градба на фонтана. Знаеме за многу цистерни во Асос, но ова е прв пат да наидеме на монументална структура на фонтана“, изјави за АА шефот на ископувањето на локацијата, Нуретин Арслан.

„Тоа е многу важна структура во однос на урбаната архитектура“, рече Аслан, кој исто така е професор на Универзитетот „Онсекиз Март“ во областа Чанаккале, каде што се наоѓаат урнатините.

Истакнувајќи дека ископувањата во Асос продолжуваат непрекинато 42 години, тој рече дека сегашниот тим од 30 лица, вклучувајќи научници и академици од Германија, планира оваа сезона да откопа повеќе цистерни додадени на гимназијата на античкиот град.

„Фонтаната што ја откриле била пред овие цистерни од римската ера“, објасни археологот и додаде дека таа била сериозно оштетена во византискиот период.

„И покрај ова, штом ќе заврши првичното ископување, можеме повторно да ги обновиме постојните парчиња и да им овозможиме на посетителите малку подобро да ја сфатат сцената или изгледот пред фонтаната“, рече тој.

Асос, познат и како Бехрамкале, бил еден од најважните пристанишни градови во својата ера и е клучно културно наследство што датира од периодот на римското владеење во регионот. Вклучува антички театар, агора, некропола и заштитни ѕидови.

Лоциран 17 километри (околу 11 милји) јужно од денешниот град Ајваџик, тој беше додаден на привремената листа за светско наследство на УНЕСКО на 15 април 2017 година.

Според УНЕСКО, Асос бил и главен грчки град-држава и го задржал своето регионално значење до Византиската Империја.

Турските археолози започнаа со ископувања во Асос во 1981 година.