Косово: Седница за распуштање на Собранието на 22 август

ПРИШТИНА (АА) - Претседателот на Собранието на Косово, Кадри Весели, заедно со претставниците на политичките партии во Собранието, донесоа одлука за распуштање на Собранието на седницата закажана за 22 август, јавува Anadolu Agency (AA).

„Консензусот што го постигна Претседателството на Собранието“, рече Весели, „е во интерес на граѓаните“. Како што рече, распуштањето на Собранието потоа му дозволува на претседателот на земјата да го одреди датумот на изборите.

„Единствено решение во време кога има дилеми или ситуации, какви и да се, се граѓаните на нашата земја, односно изборите. Изборите не се само опција или алтернатива, туку одлука, правилна одлука за граѓаните на нашата земја“, рече Весели.

Претставникот на парламентарната група на најголемата опозициска партија во земјата, Демократскиот сојуз на Косово, Авдулах Хоти, рече дека на седницата што ќе се одржи на 22 август, ќе биде распуштено Собранието.

„Но, пред тоа“, рече тој, „тие исто така се согласија да гласаат за нацрт-законот за ИПА 2018 (Инструмент за претпристапна помош), што ќе му овозможи на Косово да добие околу 90 милиони евра финансирање од Европската Унија (ЕУ) за различни проекти.

Собранието на Косово се распушта со двотретинско мнозинство гласови на Претставничкиот дом или ако не се формира влада во рок од 60 дена, од назначувањето на мандатарот од страна на претседателот на земјата. Распуштањето се врши и со указ на претседателот на Република Косово.

По последните парламентарни избори во Косово, Собранието на Косово беше конституирано на 7 септември 2017 година, а се распушта поради оставката на премиерот Рамуш Харадинај, по поканата на Специјалниот суд во Хаг.