9 palestinezë të tjerë vriten nga Izraeli në Gaza, totali rritet në të paktën 41.595 që nga tetori i kaluar
Sulmi izraelit ka shkaktuar zhvendosjen e pothuajse të gjithë popullsisë së territorit palestinez mes një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve
Ankara
Ushtria izraelite ka vrarë nëntë palestinezë të tjerë në sulmet ndaj Rripit të Gazës, duke e çuar numrin e përgjithshëm të tyre në të paktën 41,595 që nga 7 tetori i vitit të kaluar, transmeton Anadolu.
Ministria e Shëndetësisë me bazë në Gaza njoftoi se gjithashtu rreth 96.250 palestinezë të tjerë janë plagosur si pasojë e sulmeve të vazhdueshme izraelite.
9 palestinezë të tjerë vriten nga Izraeli në Gaza, totali rritet në të paktën 41.595 që nga tetori i kaluar https://t.co/GyHr9KXuVq pic.twitter.com/pJNMxIjTOV
“Forcat izraelite vranë nëntë persona dhe plagosën 41 të tjerë në 24 orët e fundit. Shumë njerëz janë ende të bllokuar nën rrënoja dhe në rrugë pasi shpëtimtarët nuk mund t’i arrijnë ata”, tha ministria.
Izraeli ka vazhduar ofensivën brutale në Rripin e Gazës pas sulmit nga grupi palestinez Hamas më 7 tetor të vitit të kaluar, pavarësisht rezolutës së Këshillit të Sigurimit të OKB-së që bën thirrje për një armëpushim të menjëhershëm.
Sulmi izraelit ka shkaktuar zhvendosjen e pothuajse të gjithë popullsisë së territorit palestinez mes një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.
Për veprimet e tij në Rripin e Gazës, Izraeli përballet me akuza për gjenocid në Gjykatën Ndërkombëtare të Drejtësisë.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.