Facebook ashpërson rregullat e reklamimit politik para zgjedhjeve në BE

Facebook ka njoftuar se ka ashpërsuar rregullat lidhur me reklamimin politik para zgjedhjeve në Bashkimin Evropian, transmeton Anadolu Agency (AA).

Një nga rrjetet botërore më të popullarizuara sot bëri të ditur për ashpërsimin e mëtejshëm të rregullave për të parandaluar ndërhyrjen e huaj dhe për të rritur tranparencën para zgjadhjeve në maj të këtij viti.

Kompania njoftoi se do të kërkojë nga reklamuesit politik që të konfirmojnë se ndodhen në njërën nga vendet e BE-së. Njëkohësisht është vendosur që blerësit e hapësirës reklamuese duhet të konfirmojnë identitetin e tyre.

Facebook gjithashtu do të përmirësojë bazën e të dhënave të saj të reklamave, duke përfshirë zgjerimin e aksesit në mënyrë që grupet e jashtme të mund të analizojnë publikimin e reklamave politike ose të tjera.

Kompanitë e teknologjisë nga Lugina e Silikonit kanë qenë nën presionin e autoriteteve të BE-së për të bërë më shumë për të parandaluar që platformat e tyre të përdorin grupet, përfshirë edhe ato nga Rusia, që të ndërhyjnë në zgjedhje.