Grevë e infermierëve në Izrael për shkak të kushteve të punës

Infermierët në Izrael kanë hyrë në grevë në shenjë proteste për kushtet e tyre të punës dhe presionin e punës për shkak të shpërthimit të koronavirusit të ri (COVID-19), transmeton Anadolu Agency (AA).

Mbetet e paqartë nëse greva do të zgjasë për një ditë ose më shumë.

Përpjekjet për të arritur marrëveshje midis shoqatës së infermierëve dhe Ministrisë së Financave të Izraelit mbi kërkesat e infermierëve kanë dështuar.

Të dielën, Ministria izraelite e Shëndetësisë tha se 813 infermierë janë karantinuar mbi dyshimin se kanë qenë në kontakt me pacientë me koronavirus.

Shoqata e infermierëve ankohet se asnjë infermier tjetër nuk është rekrutuar pavarësisht presionit të punës në dritën e shpërthimit të koronavirusit.

Ilana Cohen, drejtuese e shoqatës izraelite të infermierëve, tha se mungesa e numrit të infermierëve madje ka qenë e përhapur para shpërthimit të virusit, duke fajësuar Ministrinë e Financave për situatën.

Autoritetet shëndetësore izraelite raportuan të hënën 951 infeksione në 24 orët e fundit, duke sjellë rastet në 50.714, përfshirë 409 vdekje.