ROMË (AA) - Italia është nikoqire e samitit evropian-jugafrikan i cili trajton mënyrat e zbatimit të marrëveshjes së re me Libinë për mbikëqyrje më të mirë bregdetare, që synon ndalimin e trafikimit të qenieve njerëzore, transmeton Anadolu Agency (AA).

Konferenca e ministrave të Brendshëm të disa shteteve ka filluar sot, dhe në të njëjtën kohë, anijet kishin sjellë në bregun jugor të Italisë 3000 emigrantë të shpëtuar gjatë fundjavës në Detin Mesdhe.

Ministri i Punëve të Brendshme i Republikës së Italisë, Marco Minniti, ka ftuar në konferencë homologët nga shtetet të cilat kufizohen me Italinë, si nga Franca, Sllovenia, Zvicra dhe Austria, si dhe ministrat e Gjermanisë dhe Maltës. 

Të gjitha këto shtete kanë të bëjnë me marrëveshjen e lartpërmendur sepse shumë nga emigrantët të cilët arrijnë në Itali kalojnë përmes kufijve të tyre, për të shkuar më vonë më lartë në veri të Evropës. 

Në takim marrin pjesë edhe përfaqësues të Tunizisë dhe Algjerisë, si dhe kryeministri libian Fayez Serraj, i cili njihet nga komuniteti ndërkombëtar.