Burak Dağ
13 Janar 2021•Përditësim: 13 Janar 2021
Meksika planifikon të vaksinojë 439 mijë njerëz në javë kundër koronavirusit të ri (COVID-19), raporton Anadolu Agency (AA).
Zëvendës ministri i Shëndetësisë, Hugo Lopez-Gatell, në një konferencë për shtyp tha se 439 mijë njerëz do të vaksinohen çdo javë në të 32 shtetet e Meksikës.
Ai tha gjithsej 87 mijë njerëz janë vaksinuar që kur vendi mori vaksinën Pfizer/BioNTech, duke shtuar se të gjithë punonjësit shëndetësorë do të vaksinohen kundër COVID-19 deri në fund të janarit.
Më 5 janar, u nënshkrua një marrëveshje midis qeverisë meksikane dhe Pfizer për 34,4 milionë doza të vaksinës, e cila do të administrohet në 17 milionë njerëz.
Komisioni Federal për Mbrojtjen nga Rreziqet Sanitare (COFEPRIS) po konsideron të autorizojë përdorimin emergjent të vaksinës Sputnik V të zhvilluar nga Rusia.
Sipas Universitetit Johns Hopkins me bazë në SHBA, vendi i Amerikës Qendrore ka mbi 1,5 milion raste të konfirmuara dhe më shumë se 135 mijë viktima.
