Policia gjermane përballet me kritika pasi arrestoi një djalë 10-vjeçar gjatë protestës pro Palestinës
Shumë njerëz në rrjetet sociale reaguan ndaj incidentit, duke e quajtur "të turpshëm" arrestimin e djaloshit 10-vjeçar që mbante flamurin palestinez
Berlin
Ndalimi i një djaloshi dhjetëvjeçar nga policia gjermane gjatë një proteste pro Palestinës ka ngjallur reagime në rrjetet sociale, transmeton Anadolu.
Pamjet në X treguan disa oficerë të policisë gjermane fillimisht duke ndjekur një djalë dhjetëvjeçar dhe më pas duke e çuar atë në një makinë policie pas kapjes.
Shumë njerëz në X reaguan ndaj incidentit.
“Policia e Berlinit arrestoi një djalë dhjetëvjeçar pasi mbante një flamur palestinez. Shqetësuese, e turpshme, Gjermania 2024”, tha një përdorues.
“Policia e guximshme e Berlinit arrestoi fëmijën më të rrezikshëm në qytet. Ai donte të përdorte flamurin e tij për të përmbysur qeverinë federale dhe për të shpallur një shtet palestinez”, shkruan një tjetër përdorues në një postim sarkastik.
“Policia e Berlinit ndoqi një djalë dhjetëvjeçar. Nuk ka fjalë për të thënë”, tha një përdorues tjetër në X.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.