ANKARA (AA) - Juria e “Istanbul Photo Awards 2017” mblidhet në Kapadokya për të përcaktuar fituesit e garës ndërkombëtare në fotolajm që organizohet për herë të tretë nga Anadolu Agency (AA).

Gara e sponsorizuar nga Turkish Airlines (THY) dhe Kryesia e Agjencisë Turke për Bashkëpunim dhe Koordinim (TIKA), në të njëjtën kohë është shndërruar në një aktivitet fotografik që mundëson prezantimin e Turqisë duke dalë nga të konsideruarit vetëm një konkurs fotografie.

Në këtë kuadër është vendosur që takimi i jurisë së "Istanbul Photo Awards 2017" të kryhet në një prej bukurive natyrore më të mëdha të botës, konkretisht në Kapadokia. Juria krahas kategorive lajm dhe sport do të përcaktojnë fituesit e kategorive të saposhtuara portret dhe natyrë/mjedis si dhe të “çmimit për fotoreporterin më të ri se 28 vjeç”.

Anëtarët e jurisë së garës ndërkombëtare kanë nisur punimet për të përcaktuar tre të parët në tetë kategoritë brenda fotografive që do të kalojnë kualifikimin për tre ditë me radhë. Fotografia e cila do të jetë e para në fushën e fotografisë së lajmit tek do të marrë edhe çmimin "fotografia e vitit". Këtë vit gjithashtu për herë të parë do të jepet edhe çmimi "fotoreporteri më i ri" ndaj një fotoreporteri nën moshën 28 vjeçare.

- Punimet e studios, konferenca dhe ekspozita

Anadolu Agency këtë vit takimit të jurisë i shton edhe dy aktiviteteve plotësuese. Menjëherë pas takimit të jurisë, në datat 24-26 mars do të zhvillojë në Stamboll aktivitetet "Istanbul Photo Awards Workshop" dhe "Istanbul Photo Awards Talks"

Aktiviteti i parë i cili do të zhvillohet me mbështetjen e Universitetit "Mimar Sinan" do të jetë Istanbul Photo Awards Workshop, i cili do të zhvillohet më 24-26 mars. Në punimet e studios krahas fotoreporterëve të rinjë që punojnë në AA dhe median lokale do të marrin pjesë edhe 16 persona të përbërë nga studentët e degës së fotografisë në Departamentin e Arteve të Bukura të Universitetit "Mimar Sinan". Në punimet e studios do të ndajnë përvojat e tyre me pjesëmarrësit fotoreporterët e agjencisë Noor, Yuri Kozyrev dhe Stanley Greene.

Ndërsa edhe më 26 mars, ditën e diel në orën 14.00 në Universitetin "Mimar Siannme", me pjesëmarrjen e Yuri Kozirev dhe Stanley Greene do të mbahet aktiviteti "Istanbul Photo Awards Talks".

Ekspozita e parë ku do të paraqiten fotografitë fituese të çmimit Istanbul Photo Awards do të hapet më 2 prill në Tophane-i Amire.

- Juria përbëhet nga emra të njohur
Juria ndërkombëtare e garës, njëlloj si edhe vitet e kaluara, edhe këtë vit përbëhet nga emra të njohur. Në jurinë për vitin 2017 marrin pjesë drejtorja e publikimeve dixhitale në revistën Paris Match, Marion Mertens, fotografi i famshëm i Agjencisë Noor, Yuri Kozirev, fotoreporteri në fushën e sportit pranë Getty Images, Cameron Spencer.

Mertens gjendet me detyrë në revistën Paris Match që nga viti 1998. Mertens, e cila drejton formatet e revistës për internet, tabletë dhe celularë, më parë kishte punuar si zv/editor i lajmeve të revistës për 15 vite. Karrierën e saj ajo e ka filluar në Gamma Presse Images, ndërsa para kalimit në Paris Match, ajo ka qenë e angazhuar edhe në Le Figaro, l'Express dhe VSD.

Në jurinë e "Istanbul Photo Awards 2017" merr pjesë edhe fotoreporteri i suksesshëm i sportit në Getty Images Cameron Spencer, i cili që nga viti 2004 punon në fushën e fotografisë së sportit dhe portreteve. Vlerësimet e fotografit të famshëm do të kenë rëndësi në kategoritë fotolajm sportiv i vetëm dhe fotolajm sportiv rrëfim.

Ndërkaq, në mesin e emrave të tjerë të jurisë marrin pjesë kuratorja e famshme, aktive në fushën e multimedias, Liza Faktor, drejtori i Qendrës për Fotografi të Shangait, fotoreporteri që ka fituar çmimin "Pulitzer", Liu Heung Shing, fotoreporteri dhe këshilltari për media vizuale, Georges De Keerle, drejtori editorial i Lajmeve Vizuale i AA-së, Ahmet Sel dhe editori i Fotografive i AA-së, Fırat Yurdakul.

- Aplikojnë fotoreporterët më të mirë në botë

Çmimin "Fotografi i vitit" në garën ndërkombëtare të fotolajmeve "Istanbul Photo Awards" vitin e kaluar e fitoi fotografia "Britma për ndihmë e fëmijëve sirianë" e shkrepur nga Abd Doumany.

Fotografia "Refugjatët" e shkrepur nga Sergey Ponomarev për New York Times që fitoi çmimin në kategorinë lajm i vetëm, më vonë fitoi edhe çmimin Pulitzer.

Ndërkaq, vitin paraprak, fotografisë së shkrepur në Liberi nga Daniel Berehulak për New York Times në lidhje me epideminë Ebola i ishte dhënë çmimin "fotografia e vitit". Fotografia e Berehulak fituese e çmimit, pas “Istanbul Awards 2015” të organizuar nga AA, mori edhe çmimin Pulitzer.