Turqia ratifikon zgjatjen e vendosjes ushtarake në Gjirin e Adenit

Parlamenti i Turqisë miratoi zgjatjen e vendosjes së forcave turke që shërbejnë në Gjirin e Adenit, Somali dhe Detin Arabik, raporton Anadolu Agency (AA).

Ligjvënësit ratifikuan mocionin për zgjatjen e autorizimit të vendosjes ushtarake deri më 10 shkurt 2023.

Që kur u miratua për herë të parë nga parlamenti turk në vitin 2008, mocioni i vendosjes ushtarake është zgjatur 14 herë.

Gjiri i Adenit, që ndodhet afër Jemenit dhe afër ngushticës Bab el-Mandab, pikës së katërt më të madhe të tranzitit të naftës në botë, është një rrugë strategjike për naftën bruto në Lindjen e Mesme.

Deti Arabik dhe Somalia në Bririn e Afrikës janë të përngjitura me gjirin dhe ngushticën.