Fotoreporterët e Anadolus fitojnë 5 çmime në konkursin International Photography Awards
Çmime morën fotoreporterët Ali Jadallah, Mustafa Hassona, Doğukan Keskinkılıç dhe Şebnem Coşkun
Ankara
Fotoreporterët e agjencisë ndërkombëtare të lajmeve Anadolu me seli në Türkiye u shpërblyen me pesë çmime në konkursin International Photography Awards.
Ali Jadallah, një nga fotoreporterët e Anadolus në Gaza, ishte i dyti në kategorinë “Editorial/Lajme/Luftë/Konflikt” për serinë e tij të fotografive në lidhje me sulmet e Izraelit në Gaza.
Mustafa Hassona, gjithashtu fotoreporter i Anadolus në Gaza, fitoi vlerësime nderi në kategorinë “Editorial/Fotoreporter i Vitit” dhe “Editorial/Lajme/Luftë/Konflikt” për dy fotografi të tij të sulmeve të Izraelit në Gaza.
Doğukan Keskinkılıç, fotoreporter i Anadolus në Ankara, fitoi kategorinë “Profesionale: Sport, Sporte Ekipore”, për fotografinë e tij të Kampionatit Snow Rugby.
Në kategorinë “Profesionale: Editorial/Lajme, Mjedis”, Şebnem Coşkun, një nga fotoreporteret e Anadolus në Istanbul, mori vlerësim nderi për fotografinë e saj të titulluar “Bota e shkrirjes e arinjve polarë”, e cila u shkrep gjatë Ekspeditës Kombëtare Turke të Kërkimit Shkencor në Arktik.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.