21 دسامبر 2020•بهروزرسانی: 22 دسامبر 2020
استانبول/ خبرگزاری آناتولی
قاهر رسولزاده٬ نخست وزیر تاجیکستان در دیدار با عبدالله عبدالله٬ رئیس شورای عالی مصالحه ملی افغانستان در دوشنبه اعلام کرد: ما از روند گفتوگوهای صلح دولت افغانستان با گروه طالبان حمایت میکند.
به گزارش پایگاه اطلاع رسانی شورای عالی مصالحه ملی افغانستان، رسولزاده در این دیدار همچنین افغانستان را کشور دوست و متحد تاجیکستان و روابط دو کشور را دوستانه خوانده و اعلام کرد که صلح و ثبات در افغانستان به نفع تاجیکستان و منطقه نیز هست.
رئیس شورای عالی مصالحه ملی افغانستان نیز در این دیدار ضمن قدردانی از حمایت تاجیکستان در بخشهای مختلف از دولت و مردم افغانستان و روند گفتوگوهای صلح٬ رسولزاده را در جریان اخیرین تحولات مذاکرات با طالبان قرار داد.
عبدالله همچنین نقش تاجیکستان در روند صلح افغانستان را مهم خوانده و خواهان ادامه حمایت تاجیکستان از این روند شد.
قابل یادآوریست که عبدالله عبدالله قبل از دیدار با نخست وزیر تاجیکستان٬ با محمدطاهر ذاکرزاده٬ رئیس مجلس نمایندگان این کشور نیز دیدار و گفتوگو کرد.
رئیس مجلس نمایندگان تاجیکستان در دیدار با عبدالله ضمن اعلام حمایت مجلس این کشور از روند گفتوگوهای صلح اعلام کرد: تاجیکستان روابط دوستانه با جمهوری افغانستان دارد. بر این اساس خواهان صلح و ثبات در این کشور هستیم. ثبات در افغانستان به معنی توسعه و ثبات در تاجیکستان است.
